رد عم حسنين وهو بيبص لها بأسى قالتلي لو اتصلت بأختي وهيا بتجهز لحنة بنتها، هتسيب كل حاجة وتجيلي، وأنا مش هبقى السبب إن فرحة بنتها تتكسر أو إن الناس تقول إننا نكدنا عليهم يوم فرحهم. وقالتلي كمان لو عرفوا إننا مش معاهم فلوس نجهز الأكل، هيقولوا الظروف، لكن لو عرفوا إن ابننا في المستشفى، الفرح كله هيبوظ. سكت شوية وبص للأرض وكمل لما الوقت سرقها وساعتها الصبح عدت، افتكرت الأكل.
نزلت جرت على بيتكم وهي مش شايفه قدامها، كانت طالعة الشقة وعقلها طار من الخوف على ابنها، وفي نفس الوقت مرعوبة تتكلم تقوم تخرّب الفرح. فلما دخلت ولقيتك بتعاتبيها، ما استحملتش الوجع... فضّلت تطلع هي الشريرة الخاينة اللي خلف وعدها، ولا إنها تقولك ابني بيمــ,,ـــــوت فتبوّظ فرحة بنت أختها! حماتي حطت إيدها على بؤها وصمت رهيب حلّ على المكان.
عم حسنين قام وقف وقال سعاد دلوقتي قاعدة جنب أحمد في المستشفى بعد ما خرج من العناية. .. ومش راضية تخلي حد يزورها، وتقولي أنا أختي زعلانة مني، وأنا أستاهل عشان ما عرفتش أتصرف. أنا جيت أفرّغ ذمتي عشان ما تسوؤوش ظن ببعض. حماتي ما استنّتش تسمع بقية الكلام... صرخت صرخة طلعت من جواه وجريت على الطرحة بتاعتها. قومي يا بنتي! قومي معايا بسرعة! طلعنا نجري على المستشفى، ودخلنا الأوضة.
أول ما فتحنا الباب، لقينا خالتي سعاد قاعدة جنب السر,,ـــــير، ماسكة إيد ابنها المغطى بالأجهزة، ووشها دبلان ودموعها نازلة في صمت. أول ما شافتنا، وقفت بسرعة وكانت بتداري وشها يا أم محمد... أنا... حماتي ما خلتهاش تكمل الكلمة. جريت عليها وحــ,,ـــــضنتها بأقوى ما عندها، وبقوا يصرخوا ويعيطوا في أحضان بعض. سامحيني يا أختي!
سامحيني إني ظننت فيكي شر! ليه تخبي عليا؟ هو أنا ليّا مين غيرك في الدنيا ينشال في عيني وقت الشدة؟! سعاد مسكت فيها وهي بتترعش ما كنتش أقدر أكسر فرحتك يا أم محمد... الواد كان بين الحياة والمــ,,ـــــوت، وما كنتش عايزة أدخل النكد بيتك في اليوم ده. في اللحظة دي، الكل فهم إن الظاهر دايماً بيخدع، وإن ساعات قسوة القريب بتبقى متغطية بوجع أكبر بكتير مش قادر ينطق بيه.
رجعت العيلة تتجمع تاني، بس المرة دي مش في صالة الحنة... المرة دي في أوضة المستشفى، واكتشفنا إن الضهر والسند مش كلام يتقال في العزومات، لكن موقف يتحمل فيه البني آدم إنه يتظلــ,,ـــــم قدام الناس. .. عشان يحمي فرحة اللي بيحبهم. تمت
صاصو صاصو موثّق 👑 ذهبي ✦ ناشر
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.